Trawsnewid sied reilffordd segur yng Ngalltmelyd

Mae hen sied reilffordd segur oedd ar fin cael ei chau am byth wedi agor ei drysau ar ôl gwaith ailwampio gwerth £1.2 miliwn. Yn ei hanterth, roedd sied nwyddau Galltmelyd yn fan stopio allweddol ar lein reilffordd Dyserth i Brestatyn, a oedd yn gwasanaethu'r diwydiannau mwyngloddio a thwristiaeth. Ar ôl bod yn wag i raddau helaeth am ddegawdau, mae'r adeilad Gradd II wedi cael ei ailwampio, gan ei osod yn ôl yn gadarn yn rhan o galon cymuned y pentref.

Cafwyd yr adeilad drwy drosglwyddiad ased gan yr awdurdod lleol ac arweiniwyd y prosiect gan y gymdeithas dai elusennol Grŵp Cynefin a Grŵp Gweithredu Trigolion Galltmelyd, a'i gefnogi gan gyllidwyr gan gynnwys Cronfa Gymunedol Gwynt y Môr a gyfrannodd £109,999 dros gyfnod o ddwy flynedd.

Mae Y Shed bellach yn lle newydd cyffrous ac yn gartref i gaffi, gofod manwerthu, arddangosfa treftadaeth ac ystafell gyfarfod. Mae cynwysyddion llongau wedi'u haddasu’n darparu lle i fusnesau. Crëwyd swyddi gan gynnwys rôl rheolwr canolfan. Darparwyd arian ychwanegol o Gronfa Gymunedol Gwynt y Môr i Y Shed yn ystod cyfyngiadau symud cyntaf COVID-19, gan alluogi trosi cynhwysydd llongau segur yn barlwr hufen iâ Dave’s.