Photo 1559027615 cd4628902d4a bb9c6c95

Buddsoddwch yn eich Gwirfoddolwyr

Gall Tîm Gwirfoddoli CGGC eich cefnogi chi a’ch sefydliad i gynnwys a rheoli gwirfoddolwyr yn ddiogel ac yn effeithiol.

Gall Gwirfoddoli CGGC helpu eich sefydliad i recriwtio gwirfoddolwyr. Ar hyn o bryd mae mwy na 100 o sefydliadau gwirfoddol wedi cofrestru eu cyfleoedd gwirfoddoli gyda ni, fel ein bod yn gallu eu cefnogi i recriwtio gwirfoddolwyr addas.

Sut mae hyn yn gweithio? Os byddwch chi’n cofrestru eich cyfle gwirfoddoli gyda ni, fe allwn ni wneud y canlynol:

  • Hyrwyddo eich lleoliad gwirfoddoli yn ystod yr apwyntiadau un-i-un wedi'u teilwra rydyn ni’n eu darparu ar gyfer darpar wirfoddolwyr sy'n chwilio am leoliad addas
  • Hysbysebu eich cyfle ar wefan Gwirfoddoli Cymru (www.volunteering-wales.net)
  • Hysbysebu eich cyfle yn ein colofn wythnosol yn y papur newydd lleol
  • Arddangos gwybodaeth am eich cyfle          
  • Darparu cyfarwyddyd am arfer da  

Buddsoddi mewn Gwirfoddolwyr

Ydych chi’n falch o’r ffordd yr ydych yn trin eich gwirfoddolwyr? Fyddech chi’n dymuno i’ch arferion da gael eu cydnabod? Fyddech chi’n hoffi gwiriad o’ch gweithdrefnau ar gyfer gwirfoddolwyr? Yna ceisiwch am Farc Ansawdd Buddsoddi mewn Gwirfoddolwyr. Mae’r Dyfarniad yn cydnabod ymrwymiad mudiadau i wirfoddoli o’r safon uchaf ar draws y DG. Mae’r asesiad yn rhoi sylw i 4 maes;

  • Cynllunio Cyfraniad Gwirfoddolwyr
  • Recriwtio Gwirfoddolwyr
  • Dethol a Chydweddu Gwirfoddolwyr
  • Chefnogi a Chadw Gwirfoddolwyr

Mae defnyddiau arweiniol, gwybodaeth a chyngor ar gael ar wefan IiV, yn ogystal ag aseswr penodedig. Cofiwch, bydd meddu ar y Dyfarniad yn arwydd i gyllidwyr posib, bod gennych fudiad sy’n cael ei redeg mewn modd proffesiynol ac eich bod o ddifri ynghylch cyfraniad gwirfoddolwyr. 

Ii V Biling RGB 300x279

Buddsoddi mewn Gwirfoddolwyr (IiV) Essentials

Buddsoddi mewn Gwirfoddolwyr (IiV) – teclyn newydd am ddim i helpu sicrhau bod gwirfoddolwyr yn cael y profiad gorau posibl

Ar draws y DU, mae teclyn newydd am ddim ar gael er mwyn helpu i sicrhau fod eich gwirfoddolwyr yn cael y profiad gorau posibl ac yn llwyddo i wneud y gwahaniaeth mwyaf i’r achos. Datblygwyd IiV Essentials gan wirfoddolwyr a’r staff sy’n eu cefnogi nhw ledled y DU.

Darganfod mwy an Hanfodion IiV