Cronfa Cydnerthedd Cymunedol 2025/26, Partneriaeth Rheilffordd Gymunedol Dyffryn Conwy ac Arfordir Gogledd Cymru ar agor

Mae Partneriaeth Rheilffordd Gymunedol Dyffryn Conwy ac Arfordir Gogledd Cymru wedi lansio eu Grant Cydnerthedd Cymunedol yn swyddogol i ganiatáu i sefydliadau cymunedol ar hyd y rheilffordd adeiladu cydnerthedd a chynaliadwyedd ar gyfer eu prosiectau presennol neu fentrau newydd.

Mae'r cynllun yn cynnig grantiau hyd at £1,000 ar gyfer sefydliadau cymunedol, elusennau a cwmniau buddiant cymunedol (CBC) sydd wedi'u lleoli o fewn 5 milltir (8km) i orsaf ar hyd y rheilffordd yn siroedd Ynys Môn, Gwynedd, Conwy, Dinbych a'r Fflint.

Gyda chyfanswm o £20,000 ar gael, nod y cynllun yw cefnogi prosiectau sy'n targedu ynysu cymdeithasol ac yn ysbrydoli newid ymddygiad sy'n cysylltu â gweithgareddau iechyd a lles a lle bo modd yn annog defnyddio trafnidiaeth gyhoeddus.

Dywedodd Karen Williams, Swyddog Rheilffordd Gymunedol ar gyfer Partneriaeth Rheilffordd Gymunedol Dyffryn Conwy ac Arfordir Gogledd Cymru (PRG): “Rwy'n gyffrous am y rownd nesaf hon o gyllid ac yn edrych ymlaen at weld pwy rydym ni, fel PRG, yn ei gefnogi eleni. Rydym wedi ffurfio rhai perthnasoedd cryf o'n rownd ddiwethaf o geisiadau, a gobeithio y bydd eleni yn agor rhai cyfleoedd newydd.”

Gellir defnyddio'r grant i gefnogi prosiectau llawr gwlad a chostau rhedeg, gan gynnwys staff, rhent, cynnal a chadw, neu gyfleustodau, os na ellir talu am y rhain trwy ddulliau eraill a bydd yn helpu'r sefydliad i aros yn weithredol ac yn gynaliadwy. Bydd angen i ymgeiswyr ddangos sut y bydd y grant yn effeithio'n gadarnhaol ar eu cymuned, yn lleihau unigedd cymdeithasol ac yn gwella iechyd a lles.

Rhaid i grwpiau cymwys:

Fod o fewn 5 milltir i orsaf ar y rheilffyrdd o Landudno i Flaenau Ffestiniog a Chaergybi i Shotton (neu ddangos budd i gymuned sydd)

Cael cyfrif banc gyda dau lofnodwr anghysylltiedig

Dangos hanes o gyflawni ac angen clir am y prosiect

Mae'r cynllun wedi bod yn bosibl diolch i gyllid gan Avanti West Coast sydd wedi derbyn arian cyfatebol gan Bartneriaeth Rheilffordd Gymunedol Dyffryn Conwy ac Arfordir Gogledd Cymru. Bydd Cymorth Cymunedol Gwirfoddol Conwy (CCGC) yn gweinyddu'r grant, a bydd y panel asesu yn cynnwys aelodau bwrdd y bartneriaeth rheilffyrdd, cynrychiolwyr y sector gwirfoddol, ac aelodau o Trafnidiaeth Cymru ac Avanti West Coast.

Dywedodd Phil Jones, Swyddog Ariannu CCGC: “Mae’n anrhydedd i ni ymgymryd â rôl gweinyddwyr y gronfa hon ac rydym wedi ymrwymo’n llwyr i gynnal y safonau tryloywder uchaf. Ein ffocws fydd sicrhau bod y gronfa’n parhau i gyflawni effaith barhaol i’w rhanddeiliaid ac yn cefnogi twf cynaliadwy i’r cymunedau y mae’n eu gwasanaethu.”

Y dyddiad cau ar gyfer ceisiadau yw 29 Awst 2025. Sylwch fod CCGC yn cadw’r hawl i gau’r cynllun yn gynnar os yw’r galw’n fwy na swm y grant sydd ar gael, felly anogir yn gryf cyflwyno ceisiadau yn gynnar. Rhaid cwblhau prosiectau llwyddiannus erbyn 31 Mawrth 2026, gyda’r adroddiadau terfynol yn ddyledus erbyn 30 Ebrill 2026. Anfonwch bob cais wedi’i gwblhau drwy e-bost at grants@cvsc.org.uk