Canolfan Merched Gogledd Cymru

Mae'r astudiaeth achos isod, o Ganolfan Merched Gogledd Cymru, yn dangos effaith y gwaith sy'n cael ei gefnogi gan gyllid Gwynt y Môr.

"Fe wnaeth X gyfeirio ei hun i’r Ganolfan Merched ar ôl gadael perthynas dreisgar a ffoi o'i chartref gyda'i phlentyn i fyw gyda'i mam a'i llysdad.

I ddechrau, daeth X i'r Ganolfan Merched i gael cyngor a chefnogaeth wrth ffoi o sefyllfa cam-drin ddomestig. Yn ein galwad gyntaf fe wnes i ei chyfeirio at y DASU (uned diogelwch cam-drin domestig) yn ogystal â rhoi manylion cyswllt iddi am gyngor cyfreithiol o ran ei phlentyn. Tua 4 mis yn ddiweddarach argymhellodd meddyg X iddi ddod i'r ganolfan merched oherwydd ei bod yn cael trafferth gyda'i hanghenion iechyd meddwl a llety.

Roedd angen cefnogaeth a chyngor ar X o ran beth i'w wneud a ble i fynd. Cynigiwyd cefnogaeth emosiynol hefyd gan fod yn rhaid iddi ddod i delerau â'r hyn yr oedd hi wedi bod drwyddo, ac yna fe gawsom wybod ar hyd y ffordd bod ganddi fwy o drawma a thrais domestig o’i gorffennol yr oedd angen ei drafod a mynd i'r afael ag ef, felly fe soniais am gwnsela fel opsiwn ar gyfer X ac ar ôl ychydig fe wnes i gyfeirio X at ein rhestr aros ar gyfer cwnsela. Cafodd y sesiynau cwnsela eu gohirio oherwydd bod angen i X ganolbwyntio ar ei phroblem tŷ ac ar ôl siarad ag X a dywedais wrthi na fyddai'n syniad da cael sesiynau cwnsela tra’i bod mewn sefyllfa argyfwng, gan na fyddai'n gallu dysgu beth sydd ei angen arni gan y cwnselydd i symud ymlaen gyda'i bywyd.

... Dechreuodd X gael cefnogaeth tai a chefnogaeth gan DASU, lle roedden nhw'n ei chefnogi yn y llys o ran cyswllt â'i phlentyn, ond ar y pryd roedd yn aros am adroddiadau gan Cafcass, a oedd yn ei rhoi dan straen ac yn gwneud iddi deimlo'n bryderus. Roedd plentyn X hefyd yn bod yn anodd iawn gartref ar ôl iddi gael cyswllt fideo gyda'i thad, a phan gafodd y cyswllt fideo ei atal fe wnaeth ymddygiad ei merch wella cymaint. Wrth drafod, sylweddolais fod X yn talu’r dreth gyngor ar y cartref yr oedd wedi ffoi ohono, ac fe wnes i ei chynghori i roi gwybod i’r adran tai ac ar ôl gwneud hyn cafodd ei thaliadau treth gyngor eu stopio a chafodd ei had-dalu am ordaliad.

Llwyddodd X i ddod o hyd i gartref iddi hi a'i merch ar ôl bod yn brysur iawn yn chwilio a pheidio â rhoi'r gorau iddi, er ei bod hi'n cael trafferth gyda gorbryder ar ôl delio â cham-drin domestig.

Datblygodd hyder X dros y misoedd, a chafodd gyfle drwy’r Ganolfan Merched i siarad â thîm cynhyrchu am yr hyn yr oedd wedi bod drwyddo er mwyn iddynt allu rhoi ffilm at ei gilydd i wneud gweithwyr proffesiynol yn fwy ymwybodol o sut beth yw cerdded yn esgidiau menywod sydd wedi bod drwy Gam-drin Domestig. Roedd X yn fwy na pharod i siarad â'r tîm am hyn gan ei fod yn rhoi cryfder iddi wybod ei fod yn gwneud rhywbeth da.

Rhoddwyd cyfle hefyd i X gwblhau'r cwrs 'rheoli fy mywyd fy hun' drwy DASU gan y bydd hyn yn tynnu sylw X at unrhyw fflagiau coch a allai godi wrth fynd i berthnasoedd yn y dyfodol yn ogystal â helpu menywod gyda'u 'hunanwerth'.

Mae’r ffaith bod X wedi dod i'r ganolfan wedi rhoi'r wybodaeth iddi wybod y gefnogaeth sydd ar gael iddi yn ogystal â rhoi'r dewrder iddi symud ymlaen ar ôl bod mewn perthynas o drais domestig".