Gwirfoddolwyr Gweinyddu Dros y Ffôn
Mae Vision Support yn elusen ranbarthol sy'n darparu cymorth a gwasanaethau lleol yn y gymuned. Mae'r sefydliad yn cefnogi pobl â nam ar eu golwg ac yn codi ymwybyddiaeth o'u hanghenion. Maent yn chwilio am Wirfoddolwyr Gweinyddu Dros y Ffôn i gynyddu eu hymgysylltiad â’u defnyddwyr gwasanaethau drwy eu hatgoffa am grŵp neu weithgaredd sydd ar y gweill. Mae tasgau rheolaidd yn cynnwys: cyflwyno galwadau atgoffa i ddefnyddwyr gwasanaeth yn rheolaidd, cysylltu ag aelodau staff, ffonio gwahanol randdeiliaid i roi gwybod iddynt am wybodaeth bwysig. Mae angen sgiliau cyfathrebu a threfnu rhagorol ar gyfer y rôl hon. Byddwch yn cael hyfforddiant llawn ym mhob agwedd ar y sefydliad. Bydd costau teithio / mân dreuliau yn cael eu had-dalu.
Gwirfoddolwyr Cyfeillio Dros y Ffôn
Mae Vision Support hefyd yn chwilio am Wirfoddolwyr Cyfeillio Dros y Ffôn ar gyfer y prosiect Let's Talk, i sgwrsio ar y ffôn â phobl a allai fod yn gaeth i'r tŷ neu sy'n byw ar eu pennau eu hunain a sicrhau eu bod yn derbyn unrhyw wasanaethau eraill y gallai fod eu hangen arnynt. Fel Gwirfoddolwr Let’s Talk, byddwch yn ffonio'r defnyddiwr/defnyddwyr gwasanaeth yn rheolaidd ar ddiwrnod ac amser y cytunwyd arno, yn glust i wrando ac yn darparu cymorth emosiynol lle bo angen gan nodi unrhyw anghenion pellach sydd ganddynt a chyda'u caniatâd, trosglwyddo'r wybodaeth hon i'w Gweithiwr Datblygu Cymunedol penodol. Mae'n gyfle gwirioneddol i gael effaith gadarnhaol ar fywydau pobl sydd wedi colli eu golwg yn y gymuned. Darperir hyfforddiant llawn.
Lysgenhadon Cymunedol Gwirfoddol
Kidney Reasearch UK yw'r brif elusen genedlaethol ym maes ymchwil i'r arennau a'u cenhadaeth frys yw dod â chlefyd yr arennau i ben, gan gynnig gobaith i gleifion yr arennau a'u teuluoedd ar gyfer y dyfodol. Ond ni allant wneud hynny heb eich help chi! Maent yn chwilio am Lysgenhadon Cymunedol Gwirfoddol newydd sy'n helpu i ledaenu'r gair am yr holl waith anhygoel y mae eu tîm yn ei wneud yn brwydro i roi terfyn ar glefyd yr arennau am byth. Maent yn chwilio am bobl sy'n angerddol am Kidney Research UK, ac sydd am eu helpu i fynd allan i'n cymunedau lleol i annog eraill i'w cefnogi nhw a'u gwaith.
Yn ogystal â chwarae eich rhan i helpu i frwydro yn erbyn clefyd yr arennau, byddwch hefyd yn gwneud y canlynol:
Hyrwyddwyr Digidol Gwirfoddol
Mae Creu Menter eisiau cefnogi tenantiaid Cartrefi Conwy i leihau eithrio ac ynysu digidol trwy fenthyg dyfais dabled wedi'i galluogi ar gyfer y rhyngrwyd i denantiaid sydd ar hyn o bryd heb sgiliau ac offer digidol am 3 mis. Maent yn chwilio am Hyrwyddwyr Digidol Gwirfoddol i ddarparu cefnogaeth un i un bwrpasol reolaidd dros y ffôn i bobl sydd heb fod ar y rhyngrwyd erioed o'r blaen efallai. Bydd hyfforddiant Hyrwyddwr Digidol yn cael ei ddarparu gan Gymunedau Digidol Cymru a byddwch yn cael hyfforddiant llawn ar bob agwedd ar y rôl. Mae'r rôl hon yn addas os ydych chi'n hyderus yn y defnydd o gyfrifiaduron, gliniaduron, dyfeisiau tabled, ffonau clyfar, chwilio drwy'r rhyngrwyd, defnyddio e-byst ac yn gallu egluro technoleg mewn ffordd syml, glir.
Caffi Trwsio Gwirfoddol
Mae caffis trwsio yn grymuso cymdeithasau i weithio gyda'i gilydd i leihau gwastraff, rhannu sgiliau, a chryfhau ein cymunedau. Eu nod yw atal eitemau rhag mynd i safleoedd tirlenwi drwy eu trwsio, rhoi pwrpas newydd iddynt, eu huwchgylchu neu eu hailgylchu, lleihau faint o ddeunyddiau crai a'r ynni sydd eu hangen i greu cynhyrchion newydd, gan dorri allyriadau CO2 o ganlyniad. Maent yn credu bod gan bob unigolyn gyfres anhygoel o sgiliau y gellir eu defnyddio mewn caffi trwsio. O gyfleoedd trwsio i swyddi gweinyddol, rheoli a recriwtio, a hyd yn oed data a thechnoleg. Beth bynnag yw eich arbenigedd, mae ganddyn nhw le i chi.
Fel gwirfoddolwr mewn caffi trwsio, cewch gyfle i chwarae rhan weithredol yn adferiad gwyrdd eich ardal leol, gan hefyd ddod yn aelod gwerthfawr o dîm ehangach, ledled Cymru sydd wedi ymrwymo i greu byd glanach, mwy cynaliadwy, a darparu amgylcheddau cynhwysol, diogel i bobl o bob oed rannu gwybodaeth, sgiliau, ac i gysylltu'n gyffredinol.
Youth Shedz Gwirfoddol
Mae Cymdeithas Chwaraeon Llysfaen yn gweithio mewn partneriaeth â Youth Shedz i ddatblygu lle diogel i bobl ifanc, i wneud yr hyn y maent am ei wneud drostynt eu hunain a'u cymuned - ac mae angen gwirfoddolwyr arnynt i'w cefnogi yn ystod y sesiynau. Os ydych chi'n teimlo'n angerddol am bobl ifanc, ac yn gwybod ychydig am waith llaw a DIY, yn gwneud unrhyw beth o baentio i gynnal a chadw beiciau, neu'n gallu rhoi help llaw i ddatblygu'r lle diogel yma i bobl ifanc yn Llysfaen, dyma gyfle delfrydol i chi! Fel Gwirfoddolwr, rhaid i chi fod yn gwbl ymrwymedig i genhadaeth a gwerthoedd craidd Youth Shedz. Rhaid i chi fod yn gydymdeimladol a mwynhau cyfarfod pobl ifanc a rhyngweithio â nhw. Byddai profiad o wirfoddoli gyda phobl ifanc "anodd eu cyrraedd" yn fanteisiol iawn.
Gynorthwywyr Hwb Cymunedol Gwirfoddol
Yn cael ei reoli gan Cais, mae The Troop Café yn Llandudno yn ganolbwynt cymunedol i gyn-filwyr sy’n cynnig gofod pwrpasol i aelodau’r gymuned cyn-wasanaethu. Ar hyn o bryd maent yn chwilio am Gynorthwywyr Hwb Cymunedol Gwirfoddol. Mae angen i’r gwirfoddolwyr fod â sgiliau cyfathrebu da, gallu gwneud i bobl deimlo’n gartrefol a bod yn wrandäwyr gwych. Yn y rôl hon byddech yn croesawu pobl i'r caffi, yn gweini diodydd a bwyd yn ardal y caffi a hefyd yn cefnogi eu mentoriaid drwy helpu gyda gweithgareddau. Mae angen i chi fod yn gyfforddus yn rhyngweithio â phobl o bob cefndir a bod â dealltwriaeth dda o bwysigrwydd cyfrinachedd. Bydd costau teithio’n cael eu had-dalu.
Cymraeg eu hiaith gwirfoddol
Mae Cymdeithas Tinitws Prydain yn elusen annibynnol sy’n cefnogi miloedd o bobl sy’n profi tinitws. Mae wedi bod yn cynnal grwpiau cefnogi ar-lein ers mis Ebrill 2020 a hoffai ehangu ei chefnogaeth drwy ddechrau grŵp Cymraeg newydd. Felly, mae’n chwilio am wirfoddolwyr Cymraeg eu hiaith i helpu i redeg y grŵp. Bydd y rôl hon fel gwirfoddolwr grŵp cefnogi ar-lein yn darparu cefnogaeth dechnegol a gweinyddol i’r grŵp, gan gynnwys, ond heb fod yn gyfyngedig i:
Bydd hyfforddiant, yn ôl yr angen, yn cael ei ddarparu ac anogir cyfranogiad pellach gyda'r elusen.
Arweinwyr Sgowtiaid
Mae ScoutsCymru yn cynnig hwyl, cyfeillgarwch ac antur sy’n newid bywydau i bobl ifanc ledled Cymru. Dim ond timau dawnus o wirfoddolwyr lleol sy'n gwneud hyn yn bosibl. Mae grwpiau ym Mae Colwyn, Llandudno ac Abergele yn chwilio am Arweinwyr Sgowtiaid. Os ydych chi eisiau rhoi cyfle i bobl ifanc 10 i 14 oed brofi antur sy'n newid eu bywydau a'u cefnogi i wneud penderfyniadau, cymryd yr awenau a datblygu annibyniaeth, hyder a sgiliau, gall hwn fod yn gyfle i chi. Gan weithio fel rhan o dîm o oedolion sy’n gwirfoddoli, mae Arweinwyr Sgowtiaid yn cynorthwyo i gynllunio a chyflwyno rhaglen ddiogel a chyffrous o weithgareddau awyr agored, prosiectau cymunedol, gemau, heriau, gwersylloedd a thripiau rhyngwladol hyd yn oed! Byddwch yn dysgu sgiliau newydd drwy gynllun hyfforddi arobryn sy'n cwmpasu popeth o gymorth cyntaf i ddelio ag ymddygiad heriol. Does dim angen i chi fod wedi cael profiad blaenorol o weithio ochr yn ochr â phobl ifanc na bod wedi bod yn Sgowt eich hun. Mae angen i arweinwyr fod yn 18 oed o leiaf, yn frwdfrydig ac yn drefnus. Byddwch yn derbyn yr holl hyfforddiant, cefnogaeth a mentora fydd arnoch eu hangen.
Gofal a Chefnogaeth
Gwirfoddolwyr
Mae Cymru Versus Arthritis yn bodoli i sicrhau bod pobl ag arthritis yng Nghymru yn cael y gefnogaeth a'r wybodaeth sydd arnynt eu hangen i fyw yn dda gyda'u cyflwr. Mae eisiau recriwtio Gwirfoddolwyr Gofal a Chefnogaeth yn Sir Conwy. Byddai'r rôl hon yn helpu i alluogi pobl ag arthritis i gael cymorth drwy fynychu Canolfannau Gwybodaeth, digwyddiadau cymunedol, cysylltu â gweithwyr iechyd proffesiynol a darparu cefnogaeth un i un gychwynnol. Byddwch yn cyfrannu at gynyddu hyder pobl ag arthritis i reoli eu cyflwr, gan wella eu hiechyd a'u lles. Bydd y mathau o ddyletswyddau yn cynnwys derbyn ymholiadau a darparu gwybodaeth, cefnogaeth ac arweiniad, codi ymwybyddiaeth o wasanaethau a gweithgareddau a chyfeirio at gyhoeddiadau / deunyddiau priodol. Dylech fod yn ofalgar ac yn gydymdeimladol tuag at bobl o bob cefndir, bod â sgiliau gwrando a chyfathrebu da a bod yn hyderus ac yn gadarnhaol. Mae brwdfrydedd a pharodrwydd i gymryd rhan mewn hyfforddiant a dysgu yn hollbwysig. Rhoddir hyfforddiant sy'n berthnasol i'r rôl. Bydd treuliau yn cael eu talu ar gyfer hawliadau rhesymol am gostau teithio a chynhaliaeth.
Panel Grantiau dan Arweiniad Ieuenctid
Mae Tîm Gwirfoddoli CGGC yn chwilio am bobl ifanc newydd rhwng 14 a 25 oed i wirfoddoli a dod yn aelodau o'n Panel Grantiau dan Arweiniad Ieuenctid, fel y rhai sy'n gwneud penderfyniadau ar gyfer gweinyddu'r grant yma. Allwch chi wneud hyn? Oes gennych chi ddiddordeb mewn datblygu cyfleoedd gwirfoddoli i ieuenctid yn eich cymuned leol? Does dim angen unrhyw gymwysterau arnoch chi, dim ond diddordeb mewn sicrhau bod prosiectau'n diwallu anghenion lleol, gallu bod yn rhan o dîm, bod â sgiliau cyfathrebu da, a'r gallu i wneud penderfyniadau cadarn. Mae ein Panel fel arfer yn cyfarfod tua 3 gwaith y flwyddyn i wneud penderfyniadau, ond ar hyn o bryd mae’r cyfarfodydd yn rhithwir dros Zoom. Pan fydd y cyfyngiadau'n caniatáu, efallai y byddwch hefyd eisiau ymweld â'r prosiectau sy’n cael eu cyllido ar ein rhan a chynnal cyfweliadau/ysgrifennu astudiaethau achos neu flogiau.
Gwirfoddolwyr Amgueddfeydd
Amgueddfa Syr Henry Jones, Llangernyw yw cartref plentyndod Syr Henry Jones (1852 - 1922) a ddaeth, wedi dechrau cymharol ddi-nod, yn Athro Athroniaeth Foesol nodedig ym Mhrifysgol Glasgow ac yn ddylanwad mawr ar y system addysg yng Nghymru. Maent yn chwilio am Wirfoddolwyr Amgueddfa i ymuno â'u tîm. Mae hwn yn gyfle gwych i bobl sydd â diddordeb mewn hanes, diwylliant, neu a hoffai fod yn rhan o fenter gymunedol go iawn. Mae cyfleoedd i ddefnyddio'ch sgiliau a'ch diddordebau mewn sawl ffordd, gan gynnwys: helpu i gynnal a chadw'r adeilad a'r tiroedd; cynnal a chadw'r ardd Fictoraidd; marchnata a hyrwyddo'r amgueddfa i wahanol gynulleidfaoedd trwy wahanol lwyfannau; casglu deunydd ar gyfer ein harddangosfeydd; croesawu ymwelwyr. Byddai unrhyw hyfforddiant / arweiniad sydd ei angen yn cael ei ddarparu.
Gyfeillion Ffôn
Mae gan aelodau Deafblind UK golled golwg a chlyw cyfun ac mae llawer yn byw ar eu pen eu hunain gydag ychydig o deulu a ffrindiau o'u cwmpas. Allech chi helpu i gefnogi’r aelodau a hoffai gadw mewn cysylltiad dros y ffôn a chael galwad wythnosol gan wirfoddolwr cyfeillgar? Ar hyn o bryd mae Deafblind UK yn chwilio am Gyfeillion Ffôn Cymraeg a Saesneg. Maent yn chwilio am unigolion hyderus, siaradus a chyfeillgar sy'n gallu cynnal sgwrs dda gydag aelod dros y ffôn. Gallwch gymryd rhan yn y cyfle hwn o unrhyw le. Byddwch yn cael hyfforddiant ar-lein, pwynt cyswllt penodol yn Deafblind UK, cefnogaeth barhaus, cyfarfodydd gwirfoddolwyr ar-lein a'r cyfle i ymuno â thîm gwych o wirfoddolwyr! Mae'r rôl hon yn gofyn am ymrwymiad amser rheolaidd, bob wythnos fel arfer, ac mae ar gael i unigolion dros 18 oed.
Gynorthwy-ydd Gweinyddol Gwirfoddol
Mae NWAMI yn sefydliad sydd wedi ymrwymo i leihau troseddau casineb drwy gyfnewid a dysgu diwylliannol, yn ogystal â chodi ymwybyddiaeth o amrywiaeth ddiwylliannol. Mae’n chwilio am Gynorthwy-ydd Gweinyddol Gwirfoddol i helpu gyda thasgau bob dydd fel ffeilio, cadw cyfrifon, ateb galwadau ffôn sy'n dod i mewn, a chadw'r swyddfa'n daclus ac ati. Mae sgiliau TG sylfaenol yn ddymunol ar gyfer y swydd hon. O ran unrhyw gyfyngiadau Covid, gellir cyflawni'r rôl o gartref yn ogystal ag yn swyddfa NWAMI. Rhoddir hyfforddiant cynefino a byddwch yn cael cymorth ac arweiniad ar hyd y ffordd, yn ogystal â chyfleoedd hyfforddi allanol amrywiol. Gellir ad-dalu treuliau os bydd hynny'n briodol.
Car y Llan Gyrrwr Cludiant Cymunedol
Fe fyddwn ni wedi ein lleoli ym Meddygfa Betws-y-Coed a Meddygfa Cerrigydrudion lle bydd y cerbyd yn cael ei rannu a’i ddefnyddio fel darpariaeth i bobl fregus sydd eisoes yn methu trefnu cludiant i fynd i’w hapwyntiadau gyda’u meddyg teulu.
Betws- Dydd Mawrth a Dydd Mercher
Cerrigydrudion- Dydd Iau a Dydd Gwener
Rydyn ni angen gyrwyr gwirfoddol i’n helpu ni ar ein siwrnai gyffrous. Mae angen Gyrwyr Gwirfoddol arnom hefyd i gludo'r cerbyd o Fetws i Gerrig ac yn ôl yn ystod yr wythnos.
Ar ôl sefydlu’r apwyntiadau gyda meddyg teulu, gellid defnyddio’r cerbyd ar gyfer rhoi sylw i anghenion “llesiant” eraill gan ddibynnu ar argaeledd y cerbyd a’r gyrwyr gwirfoddol.
Cefnogaeth Gymunedol a Gwirfoddol Conwy
7 Rhiw Rd, Bae Colwyn LL29 7TG